|
|
|
 Llun:- Robert Davies:-"Of Time and The Railway" |
CROESO I WEFAN SARPA (Cymdeithas Teithwyr Rheilffordd rhwng Amwythig ac AberystwythDiweddarwyd y tudalen hon ar 10 Mawrth 2026 |
|
SARPA yw'r grŵp defnyddwyr rheilffordd ar gyfer y lein rhwng Amwythig ac Aberystwyth. Mae'r lein yn rhedeg o'r ffin rhwng Cymru a Lloegr, trwy sir Trefaldwyn i arfordir gogledd Ceredigion, gan derfynu yn Aberystwyth, tref Prifysgol (ac weinyddol)
sy'n dod yn fwyfwy pwysig. Ein pwrpas yw cadw ac hyrwyddo'r lein fel bod rhwydwaith cludiant cynaliadwy ar gyfer cenhedlaethau'r dyfodol. SARPA yw un o'r grŵpiau teithwyr rheilffyrdd mwyaf weithgar yng Nghymru ac rydym ni'n cwrdd yn fisol. Rydym ni'n ymgyrchu'n gyson am nifer o faterion o amseroedd ac amlder trenau i gynnal a chadw gorsafoedd. Rydym ni'n croesawu unrhyw sylwadau am y gwasanaeth rheilffordd yng Nghanolbarth Cymru. O fis Chwefror 2021, bydd is-gwmni newydd o Trafnidiaeth Cymru, sy'n eiddo i'r llywodraeth, yn gyfrifol am ddarparu gwasanaethau rheilffordd o ddydd i ddydd, gan ganiatáu i'r llywodraeth chwarae fwy o rhan mewn darparu gwasanaethau rheilffordd yng Nghymru a'r Gororau, gan adlewyrchu realiti masnachol newydd yr amgylchedd wedi-Covid-19. Gydag ansicrwydd enfawr ynghylch refeniw teithwyr, mae hyn yn rhoi'r sylfaen ariannol fwyaf sefydlog inni reoli gwasanaethau rheilffyrdd wrth inni ddod allan o'r pandemig. Bydd KeolisAmey dal i chwarae rhan weithredol , yn arbennig yn ardal De Cymru. Dewch o hyd i ni ar |
NEGES GAN Y CADEIRYDD |
|
Mae 2026 yn flwyddyn bwysig i Reilffyrdd y Cambrian. Yn ôl rhai, efallai mae dyma fydd
blwyddyn olaf y dosbarth 158 gyda dyfodiad yr unedau 197e. Mae SARPA wedi dadlau
ers y cychwyn nag yw rhai o rinweddau'r unedau 197 newydd yn ddigonol ar gyfer y
lein ac rydym ni dal i bwyso am fesurau i liniaru rhai o'r problemau. Yn sicr, bydd angen
sicrhau bod mwy na 2 gerbyd ar unrhyw drên os am ddarparu mwy nag un tŷ bach ar
deithiau hir iawn. Rydym ni hefyd wedi bod yn holi am fesurau i leihau'r anhawsterau
wrth fynd o'r platfform i'r trenau wrth ystyried bod yr unedau 197 yn uwch na'r unedau
158.
O fewn y mis, bydd y treial o gadw'r gwasanaethau hwyr dros y gaeaf ar lein yr arfordir yn dod i ben, gyda'r gwasanaethau hwyr yn parhau i fod yn rhan o'r amserlen arferol tan y gaeaf. Roedd SARPA yn rhan fawr o sicrhau'r treial hwn ac mae rhai o'n haelodau wedi bod yn brysur iawn yn codi ymwybyddiaeth o argaeledd y gwasanaeth. Mae'r adborth o gymunedau ar hyd yr arfordir wedi bod yn bositif, gyda busnesau yn adrodd gwell perfformiad na fyddant yn disgwyl heb y gwasanaethau hwyr ac unigolion yn cael mynychu gweithgareddau yn y nosweithiau. Bydd SARPA yn parhau i bwysleisio buddion cadw'r gwasanaethau hwyr dros y gaeaf wrth i Drafnidiaeth Cymru werthuso'r treial. Wrth edrych ymhellach hyd yn oed i'r dyfodol, mae SARPA wedi dechrau holi Trafnidiaeth Cymru ynglŷn â'r trefniadau ar gyfer y Tour de France yn 2027, lle mae un cam yn cychwyn yn y Trallwng. Rydym wrth gwrs yn parhau i bwyso ar Drafnidiaeth Cymru o ran perfformiad a dibynadwyedd. Yn ddiweddar, er enghraifft, mae'r gwasanaeth 08:27 o Aberystwyth yn cael ei ganslo'n aml. Ers i Drafnidiaeth Cymru dynnu'r gwasanaeth cynnar o'r Bermo i Fachynlleth, y trên cyntaf i Amwythig yw'r gwasanaeth o'r arfordir sy'n cysylltu â'r 08:27 o Aberystwyth ym Machynlleth er mwyn cyrraedd Amwythig am 10:20. Pan ganslir y cysylltiad o Aberystwyth, does neb o lein yr arfordir yn gallu cyrraedd Amwythig tan 11:19! Rydym wrth gwrs yn pwyso am welliannau a gwell dibynadwyedd o'r gwasanaeth hwn yn benodol, yn ogystal â gwasanaethau eraill. Mae'n edrych fel y bydd 2026 yn flwyddyn llawn ymgyrchu. Dr. Jeff Smith, Cadeirydd SARPA Jeff Smith, Cadeirydd SARPA Aberystwyth Chwefror 2026 |
| Gallwch chi weld beth ddywedsom ni am y rheilffyrdd yn y gorffenol gan ddilyn y dolen hon i'n tudalen archif. Rydym ni wedi archifo'r holl cylchlythrau nôl i fis Tachwedd 2001
|
| Mae unrhyw barn a fynegir ar wefan SARPA yn barn cyfranwyr ac nid yw o reidrwydd yn cynrychio SARPA ar ei cyfan. Cyhoeddir wybodaeth gyda'r bwriadau gorau, ond ni all SARPA derbyn cyfrifoldeb am unrhyw canlyniadau gwybodaeth diffygiol.
Mae'r lluniau ar y wefan o dan hawlfraint y ffotograffwyr - ni ddylid defnyddio'r rhain heb eu caniatád. Mae'r webmeistr yn cadw'r hawl i wneud newidiadau. |
| Noder mai nifer o ddolenni yn cael eu cynnwys yn y testun ar hyd a lled y wefan. Mae'r rhain er lles ein hymwelwyr, er enghraifft wrth esbonio terminoleg y rheilffyrdd. Dydy'r dolenni
ddim yn cyfateb i fynegiant barn SARPA ar unrhyw bwnc. |
Shrewsbury to Aberystwyth Rail Passengers Association (SARPA) c/o Arosfa, 7 Railway Terrace, Heol y Doll, Machynlleth, Powys, SY20 8BJ Wales, United Kingdom © SARPA 2005-2026 All Rights Reserved Website:- Angus Eickhoff |
